البحث عن الذات

ابو دعاء‏١٦ مايو‏، الساعة ‏١٢:٢٩ م‏بادور علي نفسي
تايه ومش شايفني
حتي ملامحي بتخاصمني
انا مين في الدنيا
انا مش عارفني
كل اما احب حاجه
ألقاها تكرهني
مبقاش جوايا
غير سوء ظني
ما ملكشي صاحب
الا التمني
حظي قليل
طول عمرى مستني
القي في الدنيا
حد يفهمني
طموحي دفنته
ومش حاعزي
حاقري عليه آيتين
لكن لوحدي
كان أملي عالي
أصبح بيوطي
طول عمرى خايب
وفاكر اني
حاوصل للأمله
واقدر اعدي
كنت غبي ومستغمي
بطيبتي وسذاجتي
حتي اللي كان
في يوم أقل مني
علق نيشان ومش عارفني
كل يوم يفوت بيكسرني
وبكل برود باضحك وكاني
قال يعني مبسوط
وانا جوه مني
نار لهبا بيحرقني
بسأل في نفسي
انا ايه بيحصلي
هو عشان اكمن يعني
ما ملكشي حظوه توصلني
يبقي مصيري يدفعني
اذوق الذل ويركعني
ابدا والف ابدا
مافي قوه حتمنعني
غير اللي خلقني
اني اشق طريقي ولحلمي
حابنيه واعلي واعلي
لو حتي فاضل في عمري
3ساعات مكتوبين لي