وفاء الكلب ..
الكلب وفى عنى و عنك .. لو سقيته حبه ميه كفايه عليه ..

عشان معروف إنه أصيل .. بيعرف صحبه و يتمر فيه ..

ما بينساش العشره أبدآ .. لو فاتت عليه سنين ..

يفضل فاكرها العمر كله .. لو هيموت مرتين ..

الكلب وفى عنى و عنى ..

أخرص لا بيتكلم ولا بينطق .. لكن عنده إحساس و شعور ..

بيحس بصاحبه .. لو غاب عنه سنين و شهور ..

كان ليا حبيب زمان .. كان كل املى و منايا ..

عملت معاه كل الطيب .. قل بأصله معايا ..

الكلب وفى عنى و عنك ..

سقيته شهد و عسل .. سقانى المر ف كاسات ..

إديته العمر كله .. إدانى أسوه و آهات ..

أما الكلب اللى أنا ربيته .. تمر فيه العشره و صان ..

مش زى اللى أنا حبيته .. و الآخر باعنى خان ..

الكلب وفى عنى و عنك ..

حبيته م بعدتش عنه .. هويته م طلبتش منه ..

إيديته ولا خدتش منه .. كدبت فكرى وظنه ..

رجع ينكر إنى أنا بأهواه .. إكمنى طيب و سهل معاه ..

يغيب و يبعد وأستناه .. و عقلى ماهوش وياه ..

بقلم الشاعر ..
محمد البريمى ..