إرووا الورد ليدبَل يوم
قبل ما بُكرَه ليكُوا يلوم
مدُّوا إيديكُم ليه بالحُب
خلُّوا عبيرُه يعُم الكُون
خلُّوه بيكُم يكبَر عُودُه
وبلمتكُوا يعدِّي حدودُه
ويحرَّر بإيديكُوا قُيودُه
وبصحبتكُم حلمُه يكُون
بُكره عبيرُه هيكُون ليكُم
ويقول عنكُم أهلُه وناسُه
ولما أفراحُه هتكمَل بيكُم
هتكُونوا كَتِيجَان علىٰ راسُه
ومنكُم يبقىٰ الحُب أساسنا
ويُسعَد بيه أصحابنا وناسنا
وحتَّىٰ لو ما ذَكرْنا تراثنا
يكفي قلوبنا بتدعِم ناسُه
إرووا الورد لُه حق عليكُم
لونكُم لونُه ونيلكُم نيلُه
شايف ميَّه بكف إيديكُوا
بِرُّوا الزَّهر مادمتُوا فصيلُه
أسقُوه من القلب حنان
واعطُوه ف الصُّحبَه أمان
وابنُولُوا بالنُّبل مكان
مين غيركُم هيشِم عبيرُه
وان يوم شبِّت ليكُوا زهور
راح يراعاها وياخُد بايدها
وهيمنحها شىء مـ النُّور
وان يوم مالِت راح يسندها
أصل الورد بطبعُه كريم
حتىٰ فصيلُه كلُّه نَسيم
فادعوا مَعايا رَب رحيم
إنّ ورُدنا يشقشَق عِيدها
إرووا الورد
مسعد سليم
