قصيدة …/ صفات الحب
بقلم …/ عاطف بيومى محمد

كنت بقسي عليكي دايما
وكنت بَجرحِك بالكلام
وانتي كُل ما فيكي طيب
وبتذيدي فيا بالإهتمام
جواكي حاجات جميلة
وانا بداخلي مش تمام
بتستحملي قسوة كلامي
من أجل انِ اكون مرتاح
كنتي تقوليلي اجرح وادبح
من صفه الحب هو السماح
وانا كنت اعمي عن صفاتك
عشان حباني الذنوب
ومكنتش شايف حنانك وطيبتك
اللي تخلي التلج يدووووب
وانا مش قادر اغير من نفسي
والأسى شي فيا مرغوب
فعلا انا يا حبيبتي
انسان معجون بالعيوب
بس من جوايا طيب
ولما بحب بخلص بجد
وعشقي بيبقي طريقه سد
بيمنع طوفان الفراق
لما بعشق مابشوفش حد
بيني وبين الخاينه بُعد
وسور فاصل عن النفاق
لما بحب بحفظ وبوفي
وباخود مع قلبي اتفاق
لأنك انتي اجمل حاجه حلصت
بعد معاناه انا عشتها
انتي اجمل فرحه دخلت
دق قلبي فيها بحُبها
انتي دنيا في قلب دنيا
معروفه بروح السلام
وخده كل صفات الحلوه
ومن صعب يوصفها الكلام
حتى قلمي ويا شعري
مستحيل يمدح جمالك
خدني من الضلمه لنور
ورفض يرميني في للمهالك
اوعدك اني اعيش العمر كله
حُبك اكون محافظ عليه
ومش هسمح ابدا لأي ظرف
تخلي الفراق يتدخل فيه