الشرق نايمه والغرب ياخال فى سباق
والغرب ناويه تبلع شوام وعراق
اصح ياعربي خليك حسيس زواق
د====================
انا عم عربي مسحراتي مطبلاتي اصحي العبادي
غريب فى بلدي وكأن لسه بقول ياهادي
ليلي نهاري ونهاري ليليويومي كله اصبح سوادي
على طلم قايم ، على ظالم نايم وظلم دايم وفى أزديادي
جه الخواجه وخد بلادي
شرد رجالها وقتل ولادي
ياكل فى خيرها من لحمه ياكل ومن زبادي
نسوني أسمي نسوني رسمي نسوني حتى تاريخ ميلادي
ولو اشتكينا والا بكينا هيكون نصيبنا ضرب الصرايم
اصح يانايم ، اصح يانايم ، اصح يانايم ، اصح وحد الرزاق
==================
الصبح يصبح ياعم عربي منعرفوش
وشمس تطلع وقمر يغيب أما الوشوش هى الوشوش
وناسه كتيره فى الحرب تاهت غير المحمل فوق النعوش
ياسوري اصح ياعراقى اصح ياليبي اصح ومتخفوش
الدور عليكم يارب سلم يارب حوش
الصوره باينه ظاهره ووضحه ومن غير رتوش
من غير عداله سايق النداله العم بوش
هو وصاحبه يحكم ياعربي ، على طريقه حلق وحوش
اصح ياعربي الخواجه ناوي يعمل بلاوي
يخليك تشوف اللي انت عمرك ماشفت
شوف العراق كانت عراق أما النهارده غابه وحووش
قالوا عليها دا فيها نووي وسوريا قالوا مشمشها حموي
والافغان فيها الظواهابن لادن وعفركوش
أما الآيراني العصر صلى والفجر حاضر ما صلهوش
ومصر قالوا آذانها عالي ودا اللي أحنا منحبهوش
والطالباني والآفغاني والزعفراني والزلباني
ياكل ويشرب ولما يشبع يروح نهق زي الجحوش
باعوا بلبدهم وقبضوا تمنها ومختشوش
اصل الخواجه ياعم عربي فى حب بلدك مغرم وهايم
ياكل ويشبع من خير بلادك وانت صايم
اصح يانايم ، اصح يانايم ، اصح يانايم ، اصحى يانايم ، اصح
==========================أعجبني