حكايات من حارة النعسان في رمضان
من حارة النعسان ليلاتي حكاية جديدة
هنشوف قصة أو معلومة مفيدة
حكايتنا الليلة حكاية سعيدة
طلت م الترسينة الست حميدة
نادت عل واد مسعود
ومعاه محمود
بيزينوا في الحارة
يدوها وش نضافة بكل شطارة
أنت يا واد محمود
خد حبل النور من بلكونتي
لحد الجارة
بصت سعدية من الشباك
خده من عندي لحد هناك
وهات حبل الزينة كمان
من بيتنا لبيت شعبان
خليها تصحى حارة النعسان
م السنة للسنة منتظرين
بشوق ولهفة
عمي رمضان
طلعت من بيتها ام الشقيان
تمسي على الشبان
وفي إيدها القهوة
ريحتها فايحة
مستكة وحبهان
الله عل الحارة ونضفتها
شوفوا يا اخواتي
فرحتها وبهجتها
يديكوا العافية يا جدعان
فينك من بدري يا رمضان
سنا الشرق( محاسن )
