...حوار مع القلب...................
واحدة واحدة علي ياقلبي
............... واحكي وقولى بكل صراحة
إيه خلاك تعشق من تاني
....................بعد ماكنت عشقت الراحة
وكنت نسيت الحب نهائي
...................ولاكان فيك للحب مساحة
وعشت حياتك حر طليق
....................من غير ضجة وأي مناحة
ولا غنيت للحب دا عمرك
.................ولا شغلوك فتيات ع الساحة
رد القلب بشوق و حنان
..................وقالي الحب دا طعمه جنان
طعمه يخلي حياتك جنة
.....................وتعيش فيها ملاك إنسان
ودم حبيبتك يجرى ف دمك
..................يحضن فيك وسط الشريان
ويبقى النبض ساعتها
............ياغالي عزف رقيق ومعاه ألحان
ويسرى فى جسمك ينبوع
.................فرحة ويزيح همك والأحزان
قلت ياقلبي كلامك غالي
....................بس انا عشت الحب ليالي
كان النوم بيطير من عيني
....................وأقضي نهاري بطوله ألالي
واتبهدلت ياقلبي سنين
........................وضاعت مني كل أمالي
وياما سمعت كلام يئلمني
.....................منه الماء مطلعشي العالي
واني العمر ما كنت مثالي
.....................وعايش كل حياتي خيالي
وفاهم إن الحب دا لعبة
......................تلهي عيال بكلام وتسالي
رد القلب بصوت مكسور
.........................قالي الحب يحب النور
وياما عشانه نزلنا بحور
...........................فيها سفينة تلف تدور
واللي بيصبر ع الأمواج
..........................لازم مرة يصيبه الدور
فيه تتحقق كل آماله
....................ويزرع ورد فى أرضه البور
وفيه الحب يصيرله جناين
........................زهرها يملا الدنيا عطور
والعشاق جواها يغنوا
......................في نهر الحب بكل سرور
قلتله سيبني ياقلبي ثواني
.....................لأني سمعت بودني أغاني
ورحت لزهرة فى قلب الوادي
....................وسبت عيوني عليها تنادي
جت تتمختر قلت ياهادي
..........................فجأة اتمدت ليا أيادي
قلت أبوسها قالت يا حرامي
.......................إبعد عنى روح النحيادي
يا إللى سرقني سحر عيونك
................يوم ما أنا شفتك جوه الوادي
قلت بحبك قالت خدني
......................دوغري نهاجر م الدنيادي
قمت واخدها فى حضني بسرعة
.......................وطرنا ركبنا ظهر جوادي
وصرنا يا كل الدنيا حبايب
.....................بعد ما كنا خصوم وأعادي
وربك يهدي لطاعته قلوبنا
.....................هوه العاطي وهوه الهادي
...................مع تحيات........................ .
..............محمد جمال فايد....................
...........جمهورية مصر العربية ............
......كفرشبرازنجي الباجور منوفية.........
