قصيدة بعنوان...... ياعيب العيب

ياعيب العيب على طولك
على عقلك ومدلولك
بتبكى يانغا من جهلك
وأيه م الكوره هينوبك
عليك الأقصى بينادى
وميت دوله لينا إتعادى
وأم بتبكى من جوعها
فى سوريا وكل ده عادى
رميت نفسك على الكوره
وماشى الخطوه مكسوره
وناسى الشهدا فى بلدنا
بتبنى بدمها الصوره
نودع كل ساعه شهيد
وف قلوبنا الألام بتزيد
ومصر العزة بتنادى
بتتعشم بفجر جديد
وليه الكوره لهيانا
فى توهه وخيبه وخدانا
وأرض بتشكى من بورها
فى صرختها مالقيانا
وآلاقى الناس بتتقسم
فى عز الحزن تتبسم
عشان فازوا بكام فوره
وناس تانيه بتتشكى
وناس هيفا وناس سكا
ومصر بلدنا محصوره

كلمات الشاعر محمد ثروت