فين القلب الطيب ..
فين القلب الطيب اللى عرفته .. فين القلب الملاك ..

كان بيحس بيا الأول .. و يقولى قلبى معاك ..

أول ما انطق إسمه .. يجينى ع التليفون

مساء الورد يا حبيبى .. مساء الزيزفون ..

فين القلب الطيب ..

كان طويل البال عليا .. لما بأكون وياه ..

و أنسى ساعتها مرارة الدنيا.. الله عليه الله ..

كان بيقولى أحلى كلام .. ونا أرد عليه ..

كان كلامه فيه حنيه .. بيخلينى أشتاق إليه ..

فين القلب الطيب ..

فين القلب الصافى .. بتاع زمان ..

راح فين الوفا .. راح فين الأمان .

كنت فاكر إنه نسى .. أى غلطه ليا ..

كنت فاكر إنه .. مش و اخد ع الأسيه ..

فين القلب الطيب ..

لو خاصمنى مره .. يصالحنى فى ثوانى ..

و يقولى عشان خاطرى .. سامحنى النوبادى ..

ونا أقوله كفايه .. سامحتك كام مره ..

على أى حال .. ما جاتش من بره ..

بقلم الشاعر .. محمد البريمى .. 
عضو رابطة المبدعين العرب ..