احساسي بيك احساس غريب
رغم قربك حاسه بيك دائما بعيد
بخاف عليك من نسمه طايره فى الهوى
تجرح عنيك
رغم الحنان مش قادره اشعر بالامان
دايما بشوفك شكل تانى فى المنام
بشوفك صوره تألمنى
بشوفك ليه بتهجرنى ؟
وانا واقفه وشايفه الموج يفرقنا
وانادى عليك ومتردش
وتاخد كل يوم قلبي لبحر بعيد
وكل ما تبعد الصوره بيعلى الموج
واحس بروحي مكسوره اشب لفوق
ورجفة شوق بتالمنى
واسئل ليه بتهجرنى
واصحى ودمعى فى عنيه
الاقى اديك بتحضنى
واحمد كل يوم ربى بانه منام
بقيت اهرب من الاحلام
بخاف ارمش تفوت لحظه مشفش عنيك
من اللهفه ومن خوفى تمللى عليك
ومش عارفه
الومك ولا الوم نفسي
وانا وياك بعيش اجمل سنين عمرى
وبس انام بتهجرنى وتجرحتى
اشعار *** محمود طنطاوى
أعجبني
