بيـــــــــــــــــــت القصيــــــــــــــد للشعر والأدب مع الشاعر طه ابراهيم.الإعجاب بالصفحة
١١ أبريل، الساعة ١:٠٥ ممعارضة الشاعر الكبير الاستاذ / الشاعر طه ابراهيم .
وردى عليه .
كتب يقول :-
#منيش كاتب
********************
كفايه خلاص منيش كاتب
مدام الشعر مش عاجب
عشان الناس تحييني
اغني واقول عن الحاجب
ورمش العين وسحراني
ولو قصرت اتعاتب
وكم كلمه عن الضحكه
عشان اظهر واتصاحب
والاقي طبور من الطلبات
وارد بإيدي واتعاجب
وميت اعجاب وميت تعليق
واقول الشعر كالعازب
واقول كلمه مهيش نافعه
واسيب الجد والواجب
واكون رميو واكون عنتر
واخاف الشعر يتراقب
واكون هلاس عشان أعجب
وحرف الشعر مش راكب
واشوف الشَعر اتغزل
واكون العاشق الدايب
ما انا رميو وانا عنتر
برغم الشعر لو شايب
وارص حروفي وابنيها
وتنزل فوقي بالقالب
واقول تاني عشان اعجب
ولو كان الكلام خايب
خلاص بكفايه شطبنا
منيش قايل منيش كاتب
.
بقلم ..... طه إبراهيم .
-------------------------------------------------------------------------------
فكتبت ارد علية :-
.
هتكتب تانى وتعاود
عشان بنحب أشعارك
وسيبك م اللي
مش عاجبة
وحرص م اللي يتعاجب
وهمل للى يتغامز
برمش العين مع الحاجب
يغور الهلس واصحابة
وعاش الجد والواجب
كفاية إن الضمير صاحي
على حرفك وبيراقب
فغرد يلا بحروفك
هتتغندر وتتصاحب
وقول الشعر
عن عنتر وعن عبلة
وقول الشعر
في الشايب
وقول في
الحب زى زمان
وقول في
العاشق الدايب
وقول في
الفاسق الكافر
وقول في
المؤمن التايب
كلامك كله له معنى
وله مغزى
ما هوش خايب
عشان بنحب أشعارك
ولو بطلت تتعاتب
فأوعى تقول
كفاية خلاص وشطبنا
مانيش قايل ولا كاتب
.
#على_مصطفى
2 / 3 / 2018 م
--------------------------------------------------------------------------------
ورد الأستاذ / الشاعر طه ابراهيم
يقول :-
.
ردي علي شاعرنا القدير علي مصطفي
******************
أنا هكتب يا أستاذي
ولا يمكن أخون ناسي
وأقول الكلمة موزونة
وأقول الكلمة ع الماشي
برغم الحزن جوايا
عشان الكلمة بتأسي
ولا يمكن هشوف راحة
وفين اختار علي مآسي
أنا ... هافضل أوعّيهم
وأشيل الكل فوق راسي
وأفضل بردو أفكرهم
ولا عمري هكون أسي
عشانهم ممكن أتألم
وصوتي جوه كراسي
عشان عايز أكون زيّك
واصل العين متعلاشي
جنابك ف الحياة قدوه
وحرفك ف الأدب راسي
*******************
خالص تحياتي وتقديري شاعرنا القدير علي مصطفي
