الجهل مصىبه..
.اشعار ***محمود طنطاوي
مصيبة الجاهل المغرور
يكون فاهم بانه 
فى كل شئ فاهمويتكلم بعصبيه
ومبيعرفش يتفاهم
وتشخط فيه يبرقلك
ويلعن سلسفين اهلك
تسيبه وتمشى يندهلك
ويضحك سخريه منك
مهو فاهم بانك انت مش فاهم
تقوله خلاص انا مسامحك
يسميها هروب منك
تقوله ياعم ارحمنا
يزيد فيها ويردحلك
ولو حس التحدى فيك
حتبقى جنيت على اهلك
حيخرج للفاميليا cd
ويفضح سر مش سرك
عشان توبه تقرب ليه
وتبقى عبره من بعدك
نصيحه ما تجادلش جهول
بلاش تجنى على نفسك
ده عامل زى كاس مكسور
تصب الماء حترجعلك
ومهما حاولت تنصح فيه
محال بالكبر يسمعلك
بقلمى محمود طنطاوى