ممكن لحظة
لحظة ألم ف سراديب قلمي بواقي الشوق
وأكتب كلمة بحبري السري
ومن أحلامي
يمكن أفوق
يمكن أفوق
شايف الصحكة ف عضم شفايفك
شايف الهمسة الصامتة ف ننك
بتقول عاقل ؟ ..لأ مجنون
وبيتفلسف
حاول قلمه ف كلمة يكثف
كل أمور وظواهر الكون
...
شايفك رافض كل مبادئي
لا ومستخسر فيّا اللوم
ممكن فعلًا
زي خيالك ما مصورلك تايه عني
بقالي سنين
ممكن برضه وجايز أكون
فرع ف شجرة ف أرضي البور
ممكن طير ف جناحه حبيس
غلطته إنهُ
بعد ما فارقت روحه الشمس
حس حلاوة الموت ف البوح
