بيـــــــــــــــــــت القصيــــــــــــــد للشعر والأدبالإعجاب بالصفحة
٢٣ ساعةكان من سنة زي النهاااردة.. حبيت أفكر بيها أستاااذي الشاعر القدير الشاعر طه ابراهيم
🌹💗🌹💗🌹
قصيدة جميلة قوي للشاعر الرااائع طه ابراهيم ... لو اسماعيل يس كان عايش كانت بقت أحلى مونولوج .. وطبعا أنا كالعاااادة لازم أغلس وأعارض قصايده الحلوة 😆😆
وهاكم قصيدة استاااذي طه ابراهيم وتليها قصيدتي المعارضة ..
😃🌹
" يا وقعة بيضه
********************
يا وقعه بيضه وآه ياني
الدنيا لسه معنداني
مهما احاول أرضيــها
تغدر وتقلب ف ثواني
مابقتش طايق عمايلها
عايزاني أفضـل أغانلها
والضحكه لسه بخاف منها
تقلب إيداها من تاني
عملانا زي المرجيحه
ترفعنا مره علي إيداها
نفرح ونرقص حواليهـا
أخرها نطلع بفضيــحه
تغدر وترمينا سطيحه
يضحك علينا الحلواني
يا وقعه بيضه وآه ياني
الدنيا لسه معنداني
وإن قلت يوم اسمع سومه
يطلعل لي صوت التلباني
وإن قلت مره اسمع نشره
ألقي الحوار كله أغاني
وإن قلت مستني عزومه
الفرح يمشي و ينساني
وإن قلت عايز معلومه
النت يقطع ف ثواني
وإن قلت فينك يا حكومه
مراتي تصرخ ف ودانـي
أوعي السياسه تضيعنا
ونروح بلاش من غير معني
قزقز واشر ف سوداني
يا وقعه بيضه وآه يــاني
الدنيا لســـه معنداني
وإن قلت مره مفيش مصاريف
أنا بكره هاخرج واتفسح
واخد فلوسي واجيب تكييف
وكمان هافكر ف الاصلح
وف ثانيه واحده يمر الصيف
ومفيش فجيبي فلوس تسمح
واقعد أفكر ف التكاليـف
وكمـان عليا ديون تدبح
إسأل عليــها الفكهاني
يا وقعه بيضه وآه يــاني
الدنيا لســـه معنداني
بقلم ******* #طه_إبراهيم
🌹☺🌹☺🌹☺🌹☺🌹
🌹☺🌹☺🌹☺🌹
وقَصِيدتِــــــي ......
" يا وقعة بيضه وآه يااااني "
يا واقعه بيضَه وآه ياااني
الدُّنيـا دى مُش عجبـــاني
مالـي أنا بس ومالهــا
خنقتني واتغيَّر حالها
أروح يمين تيجى شِمَالها
أشاغلها يتشندل بالي
ودماغي ناشفة وقرفاااني
يا واقعه بيضه وآه ياااني
********
أنا كنت عايش شهبندر
لا تقول جيفارا ولا اسكندر
ولا ابن عمنا أبو بندر
نافشلي ريشُه ومتغندر
حقُّه .. ماهو المال بيخَدَّر
طب بس اسكُت يا لساااني
يا واقعه بيضا وآه ياااني
الدُّنيـا دى مُش عاجبــاني
********
إكمنِّي يعني عشَـان شَـاعِر
قلبِي الصَّغِير كُله مشَاااعِر
القى العذاب بث مُبَــاااشِر
والحِيرة للجِـد العاااشر
لمَّا التَّاريخ جَــاب م الآخر
قالِّلي الزَّمَان قوم واتتاخر
لاقيتني غرقان ف مكاني
خايف وعامِل مُتَفاااني
يا واقعة بيضه وآه ياااني
الدُّنيـا دى مش عاجبــاني
*****************
