بيحسدونى على كتر صمتى
والسنين
رسمتْ تجاعِيد الزمن
عـــ الجبين
ولا فى القلب طعم فرحه
ولا بيخلص دمعك يا عين
ولا بيخلص دمعك يا عين
****
بيحسدونى
يا نخله يا اللى ثمرك سواد
ومن سنينى
رويت جزورك
من غير ميعاد
غـيَّـرى لون الثمر
واخلعى توب الحداد
*****
انسى اللى فات
من ذكريات
ومن أهات
واكسرى كاس المرار
حـطَّـمى جدار السكون
والغى الحواجز فى الحدود
بين البلاد
واعلنى لحظة ميلادنا
فى الشوارع والحارات
اعلنى ان الحزن مات
****
يا نخله لونك بيشدّنى
وجوه صمتك ألف آاااه
والآه يا نخله بتْـهدِّنى
وتهزنى
****
يا نخله مالِـك
بتلملمى جراح السنين
وبتغزليها وتنسى حالِـك
يا نخله جرحك بيئن قلبى
لا فى يوم هَـبُـوح
ولا هنْـحِـنى
دا انا اللى ساكن
أنينى صمتى
***********
شاعر القريه
فيصل بدر
