➕. الهلال و الصليب
اخويا المسيحي
الساكن بريحي
ب دير الملاك
الصحبة القديمة
وسمسم وهيما
وسعد و ملاك
بعدي سطوحنا
لبيتكو ال ريحنا
وأاكل معاك
هتاكل يا شيخنا
صحيح لطبيخنا
وتشرب عصير
ايوة يا ابونا
وماله يا اخونا
وناكل ف دير
اخويا وحبيبك
يا داقق صليبك
بحبك كتير
معايا ف فرحي
وحزني و جرحي
و هم الحياة
أخوة يا سادة
وطالعة العبادة
لنفس الاله
واللي خالقنا
منور طريقنا
بيهدي لهواه
#الشاعر_ابراهيم_دعبس
