٢٥ سبتمبر ٢٠١٨بشكيلك منه سيدى القاضى
شغل بالى و هو باله فاضي
وملك قلبي وقلبه مش راضي
أعمل إيه أسيبه ويُصبح ماضي
أحكم بينا وبحكمك أنا راضي
سهرني الليل وتاعبنى على الفاضى
ولما أعاتبه يحلف إنه مكنش فاضي
ويقول أنا مشغول بيكى وانتى على طول على بالي
وإنى حبيبته ولا يمكن ينساني
أسمع كلامه أصدقه وأرجع أفكر فيه من تانى
ونبتدى من الأول للقلق والحيرة وإنشغال بالي
مع إنى حسه إنه مشغول عنى بحد تاني
بس من حبي ليه بكذب قلبي وبنانى
وأطمن نفسي وأقول تهيؤات
فى خيالي
مهما عرف أو صاحب المهم بيرجعلى تاني
ومش ممكن فى يوم يحب حد تاني
ماتلومنيش ياقاضي والتمس لى أعذاري
ملك روحي ومش عارفه أشيله من قلبي وبالي
بشوفه فى كل حاجة ومعايا كظلي وخيالي
مقدرش أستغنى عنه ولا أقدر أحب حد تاني
وعلشان كده ...
بعتذر منك ياقاضى والتمس لى أعذاري
وبسحب شكوتى ليك ولك كل إمتنانيوتحياتي وإحترامي.
❤نورة اسماعيل
