عبد العليم ابو عبده

مشارك محتوى مرئي · ١٧ دقيقة · tagإضافة موضوعات

احلاوة الريف وجماله 
-----------------
من قبل ما يتغير حاله 
والمدنيه 
سوء النيه 

شيلاله 
حتى النسمه بقت زعابيب 
من عادم العربيه وقولة بيب 
حتى الارض راحت لغريب 
وستر العرض بقى الاعيب 
والشر دلوقتى سايق دلاله 
ياحلاوة الريف وجماله 
فين الفاس والمحرات 
فين الناس ولاد الذوات 
فين الجميز وبلح الامهات 
كل دا راح لحاله 
ياحلاوة الريف وجماله 
فين الطاقيه واللاسه 
فين الكرم والكياسه 
فين الصديرى العباسه 
واللى احنا فيه مالنا وماله 
ياحلاوة الريف وجماله 
الارض كان خيرها بالكوم 
والضيف ف دياره معزوم 
ولاحدش م الهدمه واللفمه محروم
والكل كاسى وموكل عياله 
ياحلاوة الريف وجماله 
الاصل العريض فلاحى 
والفرخه قبل ما بتبيض بتحاحى 
لاكان جوع ولاعرى 
ولا مرض يكترله نواحى 
وكان العز واكل الوز 
وحلو مسايه وصباحى 
والكل بيغنى مواله 
ياحلاوة الريف وجماله 
فين القشطه والحليب 
فين الفرحه والتحطيب 
فين الامان للغريب
فين الميه ف القنايه تسيب 
فين الرحمه والعيبه تعيب
فين البخت والنصيب
دلوقتى من سو بختى
الريف بقى مخيف باهماله 
ياخلاوة الريف وجماله 
-------
الشاعر \\\ عبد العليم ابو عبده 
كلماتى ومسجله باسمى