(مِحتاج للحنين....)
كلمات/أشرف رسلان
*************
مَهما طال العُمر بِيَّه
ولا عَدِت السِّنين ......
أنتوا ياأغلَى مَاليَّه
لِسه مِحتاج للحنين....
يَاامه باتْمنى دُعاكِ
في صَلاتِك و ف لُقاكِ ..
مَهما طال العُمر بِيَّه
ولا عَدِت السِّنين .......
لِسه مِحتاج للحنين ...
والنّصيحَة والحِماية
وإللي في حُضْنُه اِرْتِمايه ...
إنتَ ياأعظم كِبير
ياابا لِينا كُنت صَاين....
مَهما طال العُمر بِيَّه
ولا عَدِت السِّنين .......
لِسه مِحتاج للحنين ..
وإنتَ ياأخويا وصاحبي
أوعي تُغدُر بِيَّه مَره ....
وإفتكر أيام زَمان
لما كُنت بَخاف عَليك ...
لَما كُنت بِتِيجي جَنبي
تِشكي لِيَّه علي وَجْعَك ...
أجري بِسُرعه وأحَارب
لَجل مَاأمحي كُل آلمَك...
والبَسْمَة أشوفها فِي عِنيك..
خَلاص نِسيت...
دِلوَقتي لِيك أُسرَة وعِيلَ....
وإللي شُوفتُه
هاشُوفُه فَيك...
مَهما طال العُمر بِيَّه
ولا عَدِت السِّنين ......
أنتوا ياأغلَى مَاليَّه
لِسه مِحتاج للحنين...
وإنتَ يَاابني يَاللي
كُل الحُب لِيك ......
بُكره تِعرف يَاحَبيبي
قَد إيه تِعِبت لِيك .....
قَد إيه فِرحتْ لِيك ...
بُكرة تِعرَف حُبي لِيك...
لَما إبنَك يِبقَى زَيَّك
بَعد فَواتِ الأوان ...
مَهما طال العُمر بِيَّه
ولا عَدِت السِّنين ......
أنتوا ياأغلَى مَاليَّه
لِسه مِحتاج للحنين...
وإنتِ يابِنتي ياغَاليةخ
يادُرة القَلب الحزين ...
إوْعِي القَسوة في قَلبِك
تُملُكه... أنا ليَّه مِين ؟
رُوحي هَايمَة في الأرض بِيكي
ياحلم السنين....
انا ليَّا مين ؟مَهما طال العُمر بِيَّه
ولا عَدِت السِّنين ......
أنتوا ياأغلَى مَاليَّه
لِسه مِحتاج للحنين...
