((( حالة غريبة )))

تزرع جوه القلب هموم

وان الحزن معاك هيدوم

لما تحس .. ويا حبابك

ويا قرايبك ظلم اليوم

تحكى لمين وتقول أسرارك

وتعيش عتمة ف عز نهارك

تبقى وحيد لو واحد زارك

وتعيش غربة فى وسط ديارك

لو حسينا او يوم جانا

ان الفرحة عايشة معانا

يجى العيد ومعاه الدمعة

والفرحة بتموت جوانا

وتشوف ناس بحنين حبوك

من غير قصد لما شافوك

ايه احوالك يابن الغالى

الله يرحم ماضى ابوك

تبقى يتيم منزوع الذكرى

والأفكار مولودة لبكره

يومها تحس قلبك طب

تعرف معنى يُتم الأب

والمقصود عن يُتم الأب

واللى شبيه ويخبط خبط

غلبان زى صغير البط

لما بشوفه بعمل ربط

تسمع حد بيقول يامه

تتغير يتبدل لونك

وتروح عند ببان الجنة

وان جيت مرة تلم حروفها

تتغير مع نار الكلمة

تهرب منك لما تشوفها

لما تعيش مع زوجة الأب 

****

تحياتى / جابر الأسد