عيد الأم
سامحينى يا أمى 
سامحينى يا أمى ماتزعليش
قلبك كان بيسامحنى 
زورينى فى منامى ماتغبيش
غيابك على طول جارحنى 
عشتى ومُوتى ماشفتكيش
وفراقك الأن دبحنى 
مرت السنين ماعرفتكيش
وأنت عايشه مافهمتكيش
أزعلك وأنتٍ ماتزعليش
وفى مرضى ماتناميش
ودموعك تنزل ماتبينيش
وتصلى وتدعى يارب أعيش
وتتعبى وماتشتكيش
ولطقوسك مابتغيريش
كأنك فى مهمه مابتتعبيش
وأنا آأمر وأنهى
ولطلباتى مابتستحمليش 
وأنا أحساس مفيش 
سامحينى يا أمى ماتزعليش
كنتٍ لنفسك مابتطلبيش
وأكيد فى لحدك مابتنسنيش
من يوم وفاتك ما شفتكيش
مابنساش طعم خيرك 
مين هيجيبوا غيرك
من يوم رحيلك
بح خلاص مافيش
وخيرك راح لغيرك
وعلى غيرك مايتبكيش
من بعدك مش عارف أعيش
سامحينى يا أمى ماتزعليش 
بقلم كابتن سعيد الحاجه