لو يفوت مليون سنة
عيني هتدمع عليكي 
زي طفل كل آماله
يرمي روحه بين ايديكي 
هفضل احتاج الحنان
مهما اكبر احن ليكي 
كل لحظه تعدي بيه
من حياتي بشوقها ليكي
كل دمعة وكل ضيق 
نفسي ياما بدعوة منك
انسي حزن الدنيا كله
والقي روحي جواه منك
اد ما اتمناكي ياما 
روحي بتجيلك تضمك 
اد ما تمر الحياة 
حته منك وانتي مني
هفضل ادعيلك يا غالية
لو بينا فات سنين 
ياللي ضحكة نور عنيكي 
تسعد الناي الحزين 
الف شمعة حب مني
يوم ميلادك بهدهلك 
الف كلمة حب فيه
جواه قلبي يعتهالك 
الف دعوة ونور يا أمي 
تنفعك وانتي ف مكانك 
اوعي ياما تشيلي همي
لسه عايشة بصوت دعاكي

#إيمان رضوان#

التعليقات