..وبسرح كل ما تعدي..
..صورتك مرة في خيالي..
..أغيب عن وعيّي ما بيدّي..
..تزوغ عيني يغيب بالي..
..أعيش دنيا غير الدنيا..
..أعيش في الوهم بمزاجي..
..أشوف طيفك كده في ثانيه..
..ما بعرف ايه بيجرالي..
..أنا الإنسان باحساسي..
..أنا الغرقان وما بقاسي..
..أنا الفرحان وأنا في فلكك..
..ادور حواليكي وأنساني..
..مابين الناس ومش فارق..
..أكون شارد أكون تايه..
..اكون طاير أكون حاير..
..أنا في الأصل بكون سارق..
..من عمري فرح غارق..
..مكانه في قلبي وفي بالي.
..أنسى الكون و ينساني..
..مع روحي و بحروفي..
..اعيش واقع بيحلالي..

خالد القصبجي