..نفسى اجرى فى الشوارع..
..فى الحوارى فى الميدان..
..اجرى ازعق..
..اعتب على ده زمان.. 
..نفسى أصرخ..
..اطلع اهة جوايا..
..اهة راجل مابقالهوش احلام..
..ضاع منة اسمُة بيتُة رسمُة..
..راجل ما عادلوش عنوان..
..نفسى اطلَع لفوق..
..فوق فى السما..
..زى ما تقول كدة فوق السحاب..
..اقعد اصقّف و انادى ياللى هنا..
..يا ملايكة فوق الستر و الحجاب..
..شوفولى معادى لحسن دة انا..
..عايش فى الدنيا ديّة ولا الاغراب..
..نفسى امسك فرشة..
..و اخُط خط..
..اُخُط خط ع الحيطان..
..يطلع ملخبط يطلع مشخبط..
..مش مهم..
..المهم يتقرى و السلام..
..هكتب للدنيا طظ فش..
..و هرسم تحتيها لسان..
..لسان احمر بلون الدم..
..دم راجل جدع ذلتة الايام..
!!..علشان تعيش لازم تغش..!!
!!..لازم يكونلك ميت الف وش..!!
!!..و تمشى ع الحيط..!!
!!!..كما البهلوان..!!!

خالد القصبجى