بسم الله الرحمن الرحيم.
بعنوان : الغريب
احساس فظيع انك تكون وسط الاهل والناس
وتحس انك غريب عايش وحيد مع أن كل الناس
حواليك القلب خالى وبتحاول تعيش وحاسس
أن حتى الحياه نفسها مش راضية حتى تبص
ليك مع انك مش عارف تعيش لكن بتمثل للناس
انك سعيد الغربة مش انك تسافر عشان لقمة العيش
الغربة انك تكون بين الناس ميت الاحساس
مش عارف اذا كنت فى الحياة ميت ولا انتا ميت على قيد الحياه لاقادر تتمنى الموت
ولاعارف تعيش فى الحياه عايش غريب احساس
مميت فى كل لحظة. تكون فيها وحيد عايز تحب وبالاهتمام تحس
لكن هاتحب مين ومين ياغريب هايهتم ويحس
بيك دا انتا يدوب يستغلوا فيك مالكش قيمة غير فى الجيب
ماحدش عايز الحنان والطيبة دة الكل عايز المال والجمال فى دقيقة
خلاص ياغريب راحت عليك وقلبك الخالى هاتعانى بيه
تدى اهتمام وماتلاقيش حبيب هاتفضل ياولداه فى الحياه
اسير أسير الوحدة والموت البطيئ مستنى الأجل ومش عارف المصير هل الموت
ارحم عليك من اللى حواليك ولاهاتلاقى العذاب
عذابين فى عينك دمع بحور ومحيط وكبرت وبان عليك الشيب
ومافى احن عليك غير إله حاسس بدمع عنيك
بقلم : محمد خضر حسن رزق
