وأنا ماشي لقيت صبيه جميله واقفه فى شباكها جمالها محصلشي
قلبى قاللى أوقف يمكن تكون نصيبك وعقللى قاللى لأ ...امشي
بصيت لها ومن جمالها جرحت عينى برمشي
وقفت أمسح دموعى من عينى لقيتها بتضحك وعيونها بتقول انت خوفت وبتلومنى
رديت عليها بقلبى وقلت
رديت عليها بقلبى وقلت
لأ انا ما بخافشي
وإن خفت هخاف من الحسد عليكى ياجميلة إنتي
قالت كل اللى قبلك قالو زيك ما بنخافشي
ورجعوا ولا كملوا الحكاية ورجعت لوحدى أمشي
قلت لها حكايتك إيه ياصبيه
دا مفيش فى جمالك
قالت قوللى ايه اللى صابك ولا إيه اللى جرالك
لا بالجمال ولا بالمال
والأصل الطيب موجود والأدب ملهوش حدود
بس نقول إيه غير النصيب لسه ماجاشي
اللى جولى فيهم اللى خاف من جمالى وقال هغيير عليها وهتشغل بالي
وفيهم اللى خاف أهلى ومالى وقال خلينى أشوف اللى على قد حالى
وفيهم اللى قلبه كان جريح من حب قبلى وخايف يجرب تانى
طيب وأنا إيه ذنبى ياربى أنت اللى خلقتنى ودبرت لي أمري
قلتلها سيبك من اللى فاتو أنا قلبى وقع فيكى
يمكن تكونى مستنيه علشاني
علشان تكونى ليا وأكون ليكى
هجيب أهلى وناسي وندخل من الباب وحضرى الكراسي
ولا يمكن نسيب بنات الأصول أبدا ولا تنداسي
الناس اتشقلب حالها وبقت تسيب الاصيل وتدور على الهلاس
دور على الأصل ولا تاخد أى حد وخلاص
ولاد الأصول بيفهموا ومتربيين هيقدروك ويحطوك على الراس
ربنا يفتح عيونا ويهدينا للصح
ويستر علينا وعلى كل أولاد وبنات الناس
نورة اسماعيل😃
١١أعجبنيأعجبنيأحببتههاهاهاواااوأحزننيأغضبنيتعليق
اكتب تعليقًا...
