قرار عاجل

قال ناوين يدو مهلة
للحكومة تمحى الرتوش
اللى كاتبة يا نبض قلبى
وراسمة بوسه كمان بالروچ

واللى كاتب قلبى ليكى
وكل عام يعود عليكى
واللى مستنى تنهيدة
واللى نائبه طلع فاشوش

واللى باعت التهانى
واللى كاتب الأغانى
واللى راسمة عيونها
ناقص تبعت له الرموش

واللى كاتب عيد ميلاده
واللى كاتب طلبات لبيته
عايز اخينا يرضى مراته
لك حق دول تاج ع الروس

واللى يشتم ف الأسامى
والفرفور وابو قلب حامى
وابن الحلال والحرامى
أوعى تكتب عل الفلوس

كلمات وتأليف 
الشاعر نبیل امین