‏منير خاطر‏ في ‏المنشية الجديدة المحلة الكبرى‏.١٧ ساعة · ‏المحلة الكبرى‏مش بتفلسف أنا بتأسف 
لو فكلامى حاجه بتكسف
فهمى على أدى سيبها تعدى 
أنا باخد .. وياكوا وبدى
عبد الكريم واحمد وريم 
كل الرجاله ويا الحريم 
هيا الحكايه ماشيه ازاى 
وليه الصح نسميه غلط
لخبطوا عقلى فراسى ياباى
كأنى بكلم امخاخ زلط
يعنى إيه أضحى بوطنى
علشان زيد أحسن من عمر
وإيه يبسطكم أو يبسطنى
لو شاب مات فبداية العمر
بلد واحده وشعب واحد 
حبه يمين وحبه شمال
محمود كاره عبد الواحد
عشان بيشجع عبد العال
وابو عبيده النار فيه قايده
ومخو خلاص مقفول ومسكر
زعلان هوا وست هويدا
قال مش عاوز حكم العسكر
ما دا إنسان .. ودا إنسان
والأصلح اللى بيفهم فيها
قعدنا ابو بدله طلع خيبان
وابو أفارول لقيناه ممشيها
تفرق إيه يابو مخ نضيف
مادامت ماشيه وبتتقدم
مهما نقول ونعيد يالطيف
عقول تفحت ليها وتردم
أفكار تنسف ورياح تعصف
لو غيرى شايف أحسن يوصف
مش بتفلسف أنا بتأسف 
لو فكلامى حاجه بتكسف 
منير خاطر