‏منير خاطر‏ في ‏المنشية الجديدة المحلة الكبرى‏.‏٢٨ فبراير‏، الساعة ‏٢:٥٣ ص‏ · ‏المحلة الكبرى‏عظم الله أجرك يا وطن
ووقاك من شر الفتن
يخرب بيت أهلك يا كراسى 
خليتى قلب الناس قاسى 
طبطب يا أصيل على بلدك
وامسح دمعها يللا بيدك
ساعة الأحزان قولها راجلك
قول عظملك ربك أجرك
فيه ناس فى الحزن بتواسى 
وناس فرحها فى المآسى
ناس يحزنوا لو فينا جرح 
وناس تملالنا الجرح بملح
ناس تتمنى تشوفنا نروق
وناس تستنى الغم بشوق
غريب عنى ويشيل همى
وقريب مستنى يسيل دمى
ياما شفنا حرايق ومآسى
يخرب بيت أهلك يا كراسى 
خليتى قلب الناس قاسى
منير خاطر