*** فين أبوك *** ...

بتقللي .. يابا حرقتني ..
بامارة ايه .. انا ابوك ؟!
بامارة الذل اللي عشته
من غباء خالك واخوك
بامارة ايه .. تنطق ابويا؟!
لو تهين عمك وابوك
لو تعيب جدك وعمك
لمين صحابك ينسبوك
فين أبوك ..؟!

انا اللى .. ربيت الشباب
انا اللى .. فهمتك كتاب
انا اللى .. عليت المبانى
وانت نسيان .. الحساب
لما اولادك يجوك .. يسألوك .. 
مين أبوك ..؟!
ياللى بعت الاصل فوق
هو خالك زى ابوك

فين ابوك
وسط ضلمة .. حلمه تاه
فين ابوك
كلمة .. تنطقها الشفاه ؟!!
فين ابوك
والمرض .. قتل الحياة
كنت عاقل .. جننوك
راح زماني ..
غيروك

علموك ان الملام .. كبر وعناد
علموك ان العلام .. جرح العباد
علموك .. ان البشر شبه الجياد
لما تكبر يقتلوك
هو خيلك .. حال ابوك

انت مين .. 
يااللى بترد الجميل
جاي تلوم ..
لو مش ابوك ارحم عليل
انا اللي راحت صحتي ...
لكن أصيل
لسه شارى اللي خانوك
بكره تندم 
ويبيعوك

ايوه والله خانوك
فهموك .. ان الاصيل بكتر مال
فهموك .. ان ابوك مايسوى خال
علموك ان عمك شيئ خيال
نسيوا خير ي وبهدلوك
يللا شوف .. مين ابوك
قللهم .. ويفهموك
ليه تبيع عمك وابوك
هما تعبوا وكبروك
فين أبوك

لسه باقي حضنى دافى
اهلك وناسك أهل ابوك
اما باقي الناس ياعمري
فى الشدايد هيسيبوك
اصلك انت عار ابوك
طار ابوك 
حلم ابوك

الشاعرناصرعطامحمد
بقلمي Nasser Atta