**** لسه شهيدك حى ***********

لسه شهيدك حى وماماتشى
أوعى تقولى يامصرأهو مات
لازم بيه نكمل نمشى
ونجيب حقه كمان فى سكات

إسألى عنه الرمل فى سينا
حيقول دمه بيروى رمال
علشان ينبت خيرك لينا
ومانقولشى لغيرك هات

إسألى رملك عن خطواته
إسألى حتى كمان حدودك
قدم عمره وكل حياته
أصل حياته تمن لوجودك

مين قال يوم جنودك ماتوا
لاء يابلدى دول أحياء
لوكل جيوش العالم فاتوا
كل الشعب فداكى شهداء

خير جنود طبعاً كالعاده
ربك حافظك فى القرأن
كل مقاتل فيكى ببياده
بدعيله يابلدى فى كل أدان

===============================
مع تحياتى الشاعر عيسى عبد الرؤوف