الشاعر أسامه جديانه

بادئ محادثة · دقيقتان · إضافة موضوعاتآه م الزوجه لو تترمل
وعندها أطفال صغار
تنوى فى حياتها تتحمل
حتى لو شافت المرار
تنسى نفسها وتسترجل
جد مافى عندها هزار
تشقى وتتعب وتستقتل
لجل ماتربى الصغار
ماهى خلاص أب وأم
من البيت للشغل مابتمل
عزيمه والزمن بيعلم
عايزاهم يبقوا رجاله
شويه تقسى شويه تضم
تضحك وتلاطف أولادها
مع نفسها شايله الهم
كل يوم يكبروا أدامها
تخاف عليه وتشد العزم
بس بيكون عندها إحساس
حبها ليهم حب الإمتلاك
ربت تعبت شقيت
بتراقبه هنا ولا هناك
لو يوم حب أنه يتزوج
بتحس وقتها بهلاك
أناربيتك وأنت ملكى
أزاى واحده تاخدك منى
سنة الله فى أرضه
يابنى سامحنى غصبن عنى
وأما يتم المراد
تقول يابنى خيبت ظنى
تقعد معايا وماتسيبنيش
ومراتك ماتفارق عينى
وأوامرى عليك وعليها
أرحم ضعفى وكبر سنى
بتغير دايما من زوجاتهم
جه اليوم اللى تسيبنى
كل يوم وليها أفكارها
شايفا زوجتك بتعاندنى
وبتتعذب كل يوم
أولادى ملكى مايبعدوا عنى
كل اللى بينى وبينك جدار
قلقانه يابنى طمنى
عمرها ماترتاح فى حياتها
أولادى مافى حد نفعنى
الوحده عليها قتاله
أزاى يابنى تشغلك عنى
وسلاحها عليهم أنى مريضه
لازم الكل يستحملنى
أبنك يشيلك على راسه
وبنات الناس جايه تتهنى
أنت فى يوم كان ليك راجل
وكنتى بتدعى وبتتمنى
ليه على بنات الناس جيه
وتقول مافى أحسن منى
( أسامه جديانه)