أنا الكلمة !!!

،،،،،،،،،،،،،

أنا الكلمة وأنا الموال 

وأنا امبارح وانا بكره 

أنا الماضى وانا الذكرى 

أنا حلم الوجود والسعد 

انا الظالم وأنا المظلوم 

مفيش كلمة يوم  البعث 

مكتوبه عليا زور 

انا هو 

وانا الكاتب وانا المكتوب 

ويوم الحشر 

ما فيش ظالم ولا مظلوم 

كتاب مكتوب 

حروفه  انت كاتبها 

وحبر الحرف من دمك 

ومن حسك ومن المك

ومن فرحك ومن  حزنك 

ومن فعلك 

فما تقولشى كتابى فين ؟؟

اذا ذنبك بعملك جار

وزحفت من بعيد النار

وسلم للإله قدرك 

اذا عملك بعملك جار 

وإذا ربك فى يوم رحمك 

فما تخافيش الم ومرار

واطلب جنته بالتوبه  م الأوزار

أيمن أبوالدنيا