(Apology )
ساعات غرورنا بياخدنا ونعلى لفوق
ونجرح ناس بغباءنا ماليها الذوق
وهما بكل ذوق منهم بينسوا العيبة
ناس طاهرة قلوبها معمرة بطيبة
مش ضعف في كيانهم لكن هيبة
رهيبة طباعهم الراقية تشوفها تحس بالخيبة
وتندم ع اللي قولته بجد
وهي بكل ذوق بترد
ولا يهمك مفيش حاجة
وايدها لودنا تتمد
مع إن زعلها ماله حد
بجد الدنيا دي غريبة
أنا آسف غلطت في حق من حقك
ومن حقك تقولي عليا مش بيحس
حسيت بس متأخر
لأن كلامي إتبخر
وندمي عليه لهيقدم ولا يأخر
فسامحيني
سكوتك دا بيمحيني
وبشعر جوا مني بذنب
لا أنا عارف أغمض عين
ولا قادر أنام على جنب
كأني بسد لغلطتي ضريبة
فأنا آسف يا ست الرقة والطيبة
بقلمي #علي عفيفي
