#هات_و_خد    ( سر التطبيل ) 

هية ماشية طول تاريخها بالمصالح 

مين  يطبل يبقي فعلا فرد  صالح 

و مين يعارض تبقي ليلة امه زرقا 

مين يغيته حد  قاله  انه  يقاوح 

 

مين يطبل ده بتاعنا و في مكانه 

يبقي يفضل في وظيفته وكيانه 

اغرفوله املو جوفه من طبيخنا 

ده ال نافق لأجل يوصل لنيشانه 

 

ال باعنا مش بتاعنا ليلته سودة 

يبقي نجمع الف زيه جوة اوضة 

هو فاكر الدفاتر مش بتاعتي 

كله عارف النهاردة الطبل موضة 

 

و لم نفسك و قماشك و اللسان 

اوعي تحلم او تفكر ب الميدان 

ال  ماتوا و أل عندي بالسجون 

ثورة ماتت وانت ميت من زمان 

#الشاعر_ابراهيم_دعبس

  • Currently 0/5 Stars.
  • 1 2 3 4 5
0 تصويتات / 17 مشاهدة
نشرت فى 16 فبراير 2019 بواسطة aazz12345

عدد زيارات الموقع

58,414