*************
أنا غنيت
أنا اللى الضحكه فى جبينى
بلون الغيط
أنا اللى سقيت سنين عمرى
لطوب البيت
***
أنا السلعه اللى شريانى
سنين الهمّ
أنا الكلمه اللى تِخلقنى
تمتعنى وتسعدنى
ونظرة عين بتقتلنى
وتحرق جوه قلبى الدمّ
***
أنا اللى الصبر غار منّـى
وغير الصبر انا ما هَويت
***
أنا شامم سنين قهرى
على اكتافى جبال الهمّ
وفى عيونى بحار الصمت
ودمع العين بلون الدمّ
***
أنا اللى بكيت
ويوم ما بكيت
خدتنى فرحه كدّابه
لألف طريق
ومهما ان طال
ما فهش رفيق
وكل طريق
نهايته غريق
***
حاولت أنسى
انى لحظه بكيت
نسيت انى فى يوم
غنيت
***
شاعرالقريه
فيصل بدر
