رغم انى معترف 

إنك يا شعب جميل 

لكن ساعات بتقرف

لما بشوف مخابيل

فيك بعض يستقوى 

ع الناس ويستجرم 

لا إيمان ولا تقوى 

واخد لقب مجرم

يؤزينا على كيفو

بلسان قذر ويسب 

وسمعتو سيفو 

معروف قليل الأدب

مر وعلينا نشربه

وشيئ ما بيسرنا

لو جار بنتجنبه 

ندعى عليه فسرنا 

صنف وأكيد موجود 

فى وسطنا وعايش

صحيح عدد محدود 

وياه بنتعايش

طاغى مع الغلبان

طيب مع المفترى

أحيان تشوفو جبان

أحيان كتير يفترى

الكل فينا عارفه

والكل طالو أذاه

شاف الجميع قرفه 

نتمنى لو ننساه

منير خاطر