====== صــــــــــــــدقيني=======
=============================
قصيده للشاعر / على عبد الرازق صالح احمد ( شعر غنائي )
المعصره ==== الفتح === اسيوط == ت ==2402204 // 088
======================================
======= القصــــــــــــــــــــــــــــــده ========
=====================
صدقيني بكلمه منك تقتليني
وبكلمه ممكن تمسحي دمعه فـــ عيني
وصــــــدقيني ،،،،،،،،
صدقيني بكلمه منك اطير انا فوق السحاب
وممكن يا روحي افتح لقلبي الف باب
وانسى كل اللي جرى وانسى العذاب
واقول لقلبي خلاص يا قلبي بلاش عتاب
بس قولي انت كلمه وريحيني ،،،،،،،،
صدقيني عمري ما كنت فــ يوم اناني
ولا بعد حُبك عمري انا ما احب تاني
ولو بقى فـ عمري دقيقه او ثواني
بس قولي انت كلمه واوعديني
صدقيني انا عمري يوم ما كنت خاين
حتى اسألي الليل والقمر
حتى اسألي ورد الجناين
واسألي كل حاجه شفتها عيني
وصـــــــــــــــــــدقيني ،،،،
صدقيني انا كل حاجه اعشقها فيكِ
احب صوتك .. احب همسك . . احب لمسك
احب اسمك .. احب رسمك
احب انا لمسه لإيديكِ
هاتي إيدك والمسيني
وصـــــــــــــــــــــدقيني ،،،،،،
آديني بأصرخ بأعلى صوتي.. اسمعيني
وصـــــــــــدقيني
انا بوعدك ان اكون ليكِ يا روحي مش لغيرك
وقلبي يحس بنبض قلبك
وخطايا تسبق خطوطك
ولا قلبي يوم ابداً يحب
ولا رجلي تمشي او تدب إلا وراكِ وخط سيرك
انا بوعدك .. ياريت ... ياريت ... توعديني
وصـــــــــــــــــــــدقيني ،،،،،،،،،،
=============================
بقلمي // على عبد الرازق صالح احمد
