#حلوة_مصر
حلوة مصر ايوة حلوة
وحلوة رغم الهباشين
و لعيونها احلي غنوة
اه يا ليلي واه يا عين
و رغم أني حد. ادني
في اجوري والمعايش
هي جوة القلب ساكنة
هي عايشة انا عايش
لو بخل نيلها و عاند
دمع عيني يسد عنه
مصر عشق لكل واحد
واللي باعها بريئة منه
مصري عندي مش حكومة
ولا حزب او رئيس
مصر عندي دي الامومة
حبل سُري و احاسيس
مين بيرضي العيبة لأمه
ولا يكره تقاطيعها
اه يبرطم وسط همه
بس عمره ما يقاطعها
#الشاعر_ابراهيم_دعبس
