ابو رامى الاسوانيمين انا

انا فرح والا جرح 
والا سنين بتفوت سراب
كنت زمان كآني عنتر
طموح وعزيمه ومرح
دلوقتي بتفوت السنين
كآنها شوية تراب

عايش فيها هي هي
مجروح فقلبي ومهجتي
ماباقي فيها مال والا جمال
والا مرتاحه نفسيتي
كنت شباب صرت ضباب
مكسوره كل امنيتي

كنت لسه في اول قصتي
وبحس ان عمري فات
حتي حياتي واحساساتي
بحس ان ده كله مات
كلي مليان بآهات
مفيش غير حبة زكريات

لو عانيت او ناديت
كل اللي ليا سابني وفات
وان كتمت جوايا بتعب
وبالمر تملاني الاهات
مين انا

ابو رامي الاسواني
4/2/2019