الشاعر الغنائي ابراهيم دعبس
خمسة وعشرين يناير
يا ثورة يا بشاير
يا مضفر الضفاير
للبنت أم الشعور
انا شوفت مصر فايقة
بترن الضحكة رايقة
بميدانها واقفة عايقة
بترش الضلمة نور
انا شفت الفجر طالع
بيرقص في الشوارع
بيحطم في الموانع
ويكسر كل سور
انا شوفت بعيني فرحة
وشجرة بكر طارحة
ومصر لابسة طرحة
م التللي و الزهور
انا شوفت طاغي خاف
م الوقفة و م الهتاف
كات مصر ع الكتاف
و في اول الطابور
دا البرد كان عنيف
ونا مرمي ع الرصيف
دي اللقمة م الرغيف
ع الستة كات تدور
و انا قلت هو يمشي
و كلامي امر يمشي
و ارحل يعني أمشي
و امشي يعني غور
#الشاعر_ابراهيم_دعبس
٤ تعليق٥سيد عبدالمعطى والشاعر الغنائي ابر
