قلبه يساع اربعه)
=========
قالوا حل شعره ودار
بيحب هناء
وبيعشق منار
قالوا منه ماتقرب
حيمسك الجن
وتتكوي بالنار 
قالو ماتعرف ليه مكان
قالوا تاه منه العنوان
وقالوا عاقل
وقالوا جاله جنان
قالو عايش قالوا مات
وبعدها عدا عليهم
وقالهم سلاااا مات
شربوه قهوه
وشربوه شاي
وقالوا ازيك ياراجل
رجعت ازاي
كنا بنجيب سيرتك بالخير
بيحبك الغني منا والأجير
وبسأل عليك ديما
اخونا منير
ومراته قالت:
ماتقعد تتغدي
وتريح وتتمدا
وفتحوا سيرة غيره
وقالوا عليه 
"حل شهر ودار"
بيحب همس
وبيكلم فتحيه
وبيعشق منار
غظتهم وقلت:
هو مش ليه اربعه
قلبه كبير وفيه سعه
طردته مرات
اللي قاله
"ماتقعد تتغدي
وتريج وتتمدا"
ومشي 
وحل شعره بجد ودار