الشاعر محمد عبد المنصف

بادئ محادثة · ‏٢٣ يناير‏، الساعة ‏١٠:٤٦ م‏ · tagإضافة موضوعات
ها أخاف من إيه ؟
دا حتى الخوف بذات نفسه
أنا خدت عليه
والقلب إتحجر جاله جفاف
من كتر ما شاف
قتلى وحروب
وكأن الدم بقى بينا
صبح مرغوب
وبقالنا أنياب
وشوفنا العدل أهو بينا
هجرنا وغاب
وغاظنى وده كلام بينا
ما فكرناش إيه الأسباب ؟
بقينا قبل ما بنسأل
نلاقى جواب
ولو توهنا نقول مكتوب
كأن الضى بقى ضلمه 
وشروقنا غروب
ونرضى بكل شىْ معيوب
وعنتر سميناه شيبوب
وواخدينها بفتح الصدر
ونجرى نجرى نتقدم
وأتارى البوصله بالمقلوب
ماهى العافيه ياخلق الله
صاحبها بات كتير مغلوب
لو الأستاذ بيتعلم
ما كان تلميذه ها يبلم
ويزعل لما نتكلم
ونصرخ آآآآه ونتألم
ولو عاوزين خلاصة القول
ماهوش معقول نسيب الغول
يحافظ لينا ع المحصول
ونرضى إحنا بأكل الفول
ونتسمم ... ونتعمم
وآخرتها نغور ونزول
يا نلغى من دماغنا عقول
يا نتكلم ونتكلم ونتكلم
لحد الظلم ما يسلم
وإلا نطق ... مقبول ؟
محمد عبد المنصفأعجبنيتعليق

التعليقات

اكتب تعليقًا...