-------- قسوة البرد ----------
شحاتة ماتت من قسوة البرد
يا عيني ذنبها في رقبة مين
صورة صعبة دموعها ع الخد
والكدب مانشيتات وعناوين
غيرها كتير مش لاقيين حد
يعطف عليهم بنظرة عين
شحاتة ماتت من قسوة البرد
والرصيف أحن من البني أدمين
حزنت عليها أغصان الورد
والسما بكت عليها ألم وأنين
والتعالي والكبر علي كل فرد
حياته في القاع الدفين
الأسوار بتعلا وح تبقي سد
وعن كل الحضيض معزولين
شحاتة ماتت من قسوة البرد
والرصيف بيبكي عليها حزين
كان ليها عزوة وكان ليها سند
وكان بيدفي جسدها المسكين
عمرها ما كانت كمالة عدد
ويوم العرض الحساب المبين
------------------------------------------------
............... حسن الشوان ...............
