قصيدة بعنوان....... الندل
الندل قالوا إجتنابه
فايده ومكسب كبير
فى لحظه ينصب جنابه
فوق العشاير أمير
ويغرس سمومه وكلامه
ما يخشى نهاية المصير
وفجأه تصيبك سهامه
ويخسر براءة الضمير
الندل لابس وعايق
نفسه ب جناحه يطير
مابين الخلايق تهشه
وعايش فى واقع مرير
وتيجى تواجهه بيهرب
ويفضل فى وهمه أسير
يبدل كلامك ويغضب
ويغرق فى همه الكبير
الندل قاعد ولمحك
يغمس فى عيشك وملحك
ووقت الشدايد يسيبك
بتنزف وتصرخ فى جرحك
تهزه ملامح وجودك
ويفرح تملى ل دمعك
ويصرخ فى لحظة صمودك
ويطفى فى نورك وشمعك
كلمات الشاعر محمد ثروت
