شرين سعد أحمد

قصيدة / ( خلاص أنا مت )

بقلم شرين سعد أحمد

شاعرة جنوب الوادي

#شرين_سعد_أحمد

*****************

مانيش عاوزة أعيش بينكم

ودنيتي فت

مانيش طالبة لرحمتكم

لإني تعبت

وياما حاولت اوصلكم

لكني تهت

وجاني البرد قاتلني

ولا اتكلفت

ولا اتغطيت مشاعركم

وفجأة بردت

زعقت وقلت يا عالم

بوجعي زعقت

وسقعة ايدي نادتكم

بدمي ندهت

أمانة تعالوا غيتوني

دا أنا اتبهدلت

هنا اتحملت فوق طاقتي

بعجزي دبت

ومن قسوتكوا وعيونكم

أنا اتعلمت

رصيف الجسر ارحملي

عليه أنا نمت

فرشت الفقر تحتيا

وقهري كتمت

عضامي م البرد نشفت

لكني ارتحت

لأن القبر دفاني

وفيه أنا عشت

فعيشوا لحد ما القاكم

حسابي كتبت

وذنبي فاكرة مش ناسية

وبيه اتعذبت 

فروحوا واسألوا حالكم

ليه أنا مت