قصيدة بعنوان....... لا للعنصرية

شجع اللعبة القوية
بس لا ل العنصرية
الرياضه بتبنى فينا
شئ جميل ل الإنسانية
مالك إنت ومال ملامحى
لونى أسود والا قمحى
ليه بتقصد ليا جرحى
عمره شكلى ماكان قضيه
المنافسه ليك وليا
طول مافيها م الأذية
مش هتبقى تانى بينا
لو فى يوم ح تقل بيا
اللى شال الحمل شال
ب الأمل عدى المحال
صار علامه ف المجال
والمبادئ هيا هيا
الغرور ف الكوره حالك(بكسر اللام)
أخرته بيجيب مهالك
لعبتى فن ومهارة
با المسايسه طريقى سالك
مرة أباصى ومرة أشوط
وألتزم حد السكوت
ب المراوغة وب الصمود
ضربتى هتكون عافية
الخساره ف مرة ليك
بعدها هترد ليا
واللى منا شوية فايز
يبقى تيمه ميه ميه

كلمات الشاعر محمد ثروت