عبد العليم ابو عبده
لافيكم قلب حيران
ولاحرمان
ولا نفس
م البؤس
شاكيه
الحكايه كلها فلس
وتعس
والحكومه
مش ملزومه
ولا ع الغلابه باكيه
داهيه ف وادى
واحنا ف وادى
ولسانا بنادى
تسلم الايادى
والبطون
والعيون
م المرض شاكيه
حنلاقيها منين
ولا منين
داحنا مساكين
وعلى رقبتنا سكين
واللى معاه ملايين
والناس عنه حاكيه
سابنا وطار
ع المطار
وخلع على انطاكيه
وساب كلابها على ديابها
وهوه اللى كان حاببها
خلع والدلع
خلاه متاه
والاه قلب اتوجع ع السيره والسمع
عنه للغلابه حاكيه
وبتقول
ان اللى اخرته طعميه وفول
وعايش دلدول
هوه المسئول
عن هم ما يتلم
وحشيش وبودره تتشم
وابن حرام يقولك ياعم
وعيشه هباب
واكلة كباب
او فراخ كنتاكيا
للى معندوش ضمير ولادم
والدنيا حالها كدا
فيها الفقير الفدا
للى سلب ونهب
وورانا العجب
ف مصر اللى عن التاريخ
هيه الصريخ
ف الفلوب الباكيه
-----------
الشاعر \\\ عبد العليم ابو عبده
كلماتى ومسجله باسمى
