بقلم الشاعر علاء هشام
جعان..
أنا ف الصورة بني أدم
لكن ف الأصل دي صورة
فقير اللقمة بينادم
بلهجة حروفها مكسورة
جعان ومين هيسمعني
ومين هيحس بظروفي
قليل القرش مانعني
كأنك حالفة ماتشوفي
هزمني الذل ورماني
ف عز البرد بتقطع
لقيت الدمعه سرقاني
وناس ف العز تتمطع
وأنا عايش يادوب عالة
وعلتي هازمة أحلامي
قليل الأصل يتعالي
بنفس كبيرة قدامي
ونار لساها جوايا
بتحرق كل طموحاتي
شبيه الكلب ويايا
يدور عن وجود ذاتي
ومهما صرخت من جوة
الأقي صوتي متكسر
وأشوف الضعف بقي قوة
ف حلم معدش متفسر
