من وحي الصورة
بقلم / ( شرين سعد أحمد )
شاعرة جنوب الوادي
#شرين_سعد_أحمد
***************
وطول عمري أنا بعزف
على وتري ومش خايفة
ومهما ألحاني جات تنزف
أنا لآلآمي مش شايفة
،،،،،،،،،،،،،،،،،،،،،،
أنا جوايا بحر حنان
ونهر بيجري مش واقف
وفيا العقل زاينه جنان
وحتى جناني ده زايف
،،،،،،،،،،،،،،،،،،،،
أنا معجونة بالإحساس
أنا مش حاسة بقيودي
ولما شفت غش الناس
فقمت أشد أنا عودي
،،،،،،،،،،،،،،،،،،،،،
ولا أرتاح ولا دقيقة
وقلت حقي لازم أجيب
ومهما يقولوا دي رقيقة
أنا سهمي لابد يصيب
،،،،،،،،،،،،،،،،،،،
هخلي حروفي تتغنى
والكل الخلق تشهدلي
وأخلي الشعر يتمنى
يجيني بلفة يندهلي
،،،،،،،،،،،،،،،،،،،،
وهتربع على عرشي
أكون سلطانة للأشعار
ساعتها الحزن راح يمشي
وهقلب ليله ده لنهار
،،،،،،،،،،،،،،،،،،،
هوزع فرحي بالفدادين
على من قلبه بات مهموم
وهزرع بسمة بالملايين
وهمحي بحرفي كل هموم

22/12/2018